گه‌ریلاكانى په‌كه‌كه‌ سوپاى توركیا شپرزه‌ ده‌كه‌ن بەریتانیا: کوردێک بە تاوانی ئەندام بوونی لە داعش دادگایی كرا نۆتینگهام : یه‌که‌مین کۆنگره‌ی جڤاکی دیموکراتیکی کوردان به‌رێوه‌ چوو. دەزگای ڕاگەیاندنی پێنوسەکان: پرسەنامەیەک ئاراستەی بزووتنەوەی گۆڕان و بنەماڵەی نەوشیروان مستەفا دەکات جەمیل بایک: لە کاتی کۆمەڵکوژییەکەی هەولێردا لەگەڵ پارتی ئاگربەستمان هەبوو سۆران سەقزی لەسەر قەرزداری خۆی كوشتووە نوێنەری ناوەندی گشتیی زەردەشتیانی کوردستان بۆچی لەبەغدادە؟ زیاتر لە 350 میوانی بیانی لە 66 وڵات لە فیستیڤاڵی جیهانی فەجر بەشداریی دەکەن فەڕەنسا: شەرە چەقۆی کۆچبەرانی کورد و ئەفغانی دەبێتە سەردێڕی هەواڵە جیهانیەکان بەریتانیا: سیامەند موعینی لە سیمینارێکی جەماوەریدا بەهرۆز جەعفەر: وا بڕوات هاتنی پەکەکە بۆ باشور ئەبێتە زەرورەت پارتی لە ھەولێر ڕێگری لە کۆڕێک دەکات لەسەر شەنگال هەواڵەکانی بابەتی بێکاری و گرانی و هێرش بۆ سەر لاوان لەبەریتانیا شەڕکەرانی ئەفغانی لە سووریا مافی هاووڵاتیبوونی ئێرانیان پێدەدرێت لە ڕێککەوتنی باڵەکانی یەکێتیدا بەرهەم ساڵح بۆ پۆستی بەغداد دانراوە بەریتانیا: لەمانگی ٤ی ئەمساڵەوە کۆمەڵێک یاسای گرنگ دەچنە بواری جێبەجێکردنەوە

هه‌واڵی تایبه‌ت

جەمیل بایک: لە کاتی کۆمەڵکوژییەکەی هەولێردا لەگەڵ پارتی ئاگربەستمان هەبوو

05/16/2017 07:10:36 پێنوسەکان

ئەمرۆ ٢٠ ساڵ بەسەر کۆمەڵکوژی هەولێردا تێپەڕدەبێت، کە لەلایەن چەکدارەکانی پارتییەوە چەندین گەریلای بریندارو چالاکی سیاسی و ڕۆژنامەنووس شەهیدکران، لەسەر ئەو کۆمەڵکوژییە جەمیل بایک، بە وردی دەدوێت و دەڵێت: لەوکاتەدا ئێمە پەیوەندییمان لەگەڵ پارتی و یەکێتیشدا باشبوو.

لە ساڵانی ڕابردوودا لە دیمانەیەكی بەرفراواندا کە رۆژنامەنووس حەسەن جودی لەگەڵ جەمیل بایک هاوسەرۆکی کۆماجڤاکێن کوردستان- کەجەکە-دا سازیزکردووەو بەشێوەی پەرتوكێك بەناوی (مێژووێك لەئاگر) بڵاوبوەتەوە، بەشێكی تەرخانكراوە بۆ روونكردنەوەی ئەو كۆمەڵكوژیەیی پەکەکە كە لەهەولێر ئەنجامیداوە، ڕۆژنیوز ئەوبەشە بڵاودەکاتەوە.

"سەرۆک نەی دەخواست شەڕ بەردەوام بێت"

جەمیل بایک، هاوسەرۆکی کەجەکە بەم شێوەیە باس لە زەمینە سازکردن بۆ کۆمەڵکوژییەکە دەکات، بەتایبەت دوای ئەوەی لە کۆتایی ساڵی ١٩٩٥دا پەکەکە ئاگربەستێک لە بەرامبەر تورکیا و پارتی دەکات، پاشان کۆمەڵکوژییەکە پێکدێت:"ڕاستە رێبەر ئۆجالان دووەمین ئاگربەستی راگەیاند لە بەرامبەر توركیا و پارتی، بۆچی لەبەرامبەر توركیا ئاگربەستی راگەیاند؟، چونكە سەرۆك نەیدەخواست شەڕ بەردەوام ببێت، بەڵكو دەیخواست ئیدی كێشەی كورد بەرێگەی دیالۆگ و ئاشتی و دیموكراتیانە چارەسەربكات، بۆ ئەو مەبەستە جارێكی دیكە ئاگربەستی راگەیاندەوە، لەنێو توركیاشدا هەندێك دەیانخواست سەرۆك ئاگربەست رابگەیەنێت، بۆ ئەوەی كێشەی كورد بەرێگەی دیالۆگ چارەسەر بكرێت، ئەویش ڕێزی لەم داخوازییەش گرت و بەهای پێدا، بۆیە لەكۆتایی ساڵی ١٩٩٥دا ئەو ئاگربەستەی راگەیاند".

"دەمانویست لەگەڵ پارتیدا پەیوەندییەکانمان پێش بخەین"

دەشڵێت:"سەبارەت بەو ئاگربەستەی لەبەرامبەر پارتی-ش ڕاگەیەنرا ئەوەبوو، ئەو كاتە شەڕێكی مەزن لەنێوانماندا بەرپاببوو، سەرۆك نەیدەخواست لەوە زیاتر بەردەوام ببێت، لە ئاكامی ئەو ئاگربەستەدا رێككەوتنێكیش لەنێوانماندا بەدیهات، ئێمە شەڕمان راگرت، نەك هەر تەنیا ئەو شەڕەمان راگرت، بەڵكو خواستمان راگرتنی ئەو شەڕە بكەینە هۆی ئەوەی پەیوەندی لەنێوانماندا پێشبكەوێت و ئەو پاشـماوە خراپانەی شەڕەكەش نەهێڵین و یەكێتییەكی تۆكمە لەنێوانماندا پێشبخەین، هەروەها كولتوورێكی نوێش لەنێو كورداندا پێشبخەین، ئەمە بكەینە هۆكارێك بۆ نەهێشتنی شەڕ لەنێو كورداندا، كولتوورێكی وەها پێشبخەین كە بڵێین ئیدی بڕوانن شەڕێكی مەزن لەنێوانیاندا بەرپابوو، بەڵام ئێستا بەیەكەوە كاردەكەن چیتر شەڕ لەدژی یەكتر ناكەن، ئێمە هەوڵمان بۆئەوە دەدا".

"تورکیا هەمیشە گێرەشێوێنی دەکرد"

بایک باس لە پیلانەکانی تورکیا دەکات کە هۆکارێکیش بووە بۆئەوەی ئۆجالان لەگەڵ پارتیدا ڕێکبکەوێت و دەڵێت:"بێگومان دەوڵەتی توركیا نەیدەخواست كەوا ئەمە پێشبكەوێت، هەمیشە دەیخواست پارتی و ئەوانی دیكە بوروژێنێت، ئێمە بوروژێنێت، بۆ ئەوەی هیچ كاتێك پەیوەندی لەنێوانماندا پێشنەكەوێت، گێرەشێوێنی (پراواكسیۆن)یان دەكرد، بۆیە سەرۆك گووتی (ئەو ئاگربەستە بۆ پەکەکەش رادەگەیەنم)، واتا بۆ ئەوەی نەكەونە نێو گێرەشێوێنییەكانی توركیاوە، بۆ ئەوەی ئیتر شەڕ روونەداتەوە و هەموو كێشەكان بە ئاشتی چارەسەر بكرێت، چونكە ئێمە لەوە دەترساین كە ئەو گێرەشێوێنییانەی توركیا سەربگرێت، لەبەر ئەوەی  لەهەندێك ناوچەشدا هەندێك كێشە لەنێوانماندا دەركەوتبوو و پارتی تەنگەناوی دەكردین، ئێمە دەترساین دیسان قۆناغێكی دیكەی شەڕ دەستپێدەكاتەوە، سەرۆك بۆ ئەوەی رێگیری لە هاتنەئارای دۆخێكی وەها بكات، ئەو ئاگربەستەی راگەیاند".

"١٤ی ئایار تورکیا ئۆپەراسیۆنیکرد، پاش دوو ڕۆژ کۆمەڵکوژی هەولێر پێکهات"

بایک وەها بەردەوامی بە قسەکانی دەدات:"لەساڵی ١٩٩٧دا ئەو كاتە “فەرهاد” و “بۆتان” بەرپرسیاری خەباتی باشوور بوون، ئایا ئەوانە ئەگەری روودانی هێرشێكی وەها بۆ سەر دامودەزگاكانمان لە هەولێر دەكەن؟ ئەگەر ئەو ئەگەرە دەبینن بۆچی هیچ تەدبیرێك وەرناگرن؟ ئەو كاتە لەهەموو رووێكەوە هێرش هەیە و تەنانەت لەبەرامبەر سەرۆك ئاپۆش هەوڵێكی كوشتن دراوە و سەركەوتوو نەبووە، یان لەم رووەوە بێ تەدبیرییەك هەیە، چونكە ١٤ی ئایار ئۆپەراسیۆنی توركیا بۆ سەر باشوور دەستیپێكردبوو، كەچی لە ١٦ی هەمان مانگ كۆمەڵكوژییەكە لە هەولێر ڕوودەدات، هەردوای ئەمە لە ١٩٩٧دا بەشداربوونێکی زۆری گەنجانی باشور بۆ ناو پەکەکە دەستیپێکرد، زیاتر هۆکار شەڕەناوخۆییەکانی پارتی و لایەنکانی دیکەی ناو باشوری کوردستان بوو، بەتایبە ئەوەی باشور بووە دوو حکومەت و وڵاتان بە ئاشکرا لەو پیلانەدابوون".

"پەکەکە پەیوەندی لەگەڵ داگیركەران دروستنەكردووە"

دەشڵێت:"بۆ نموونە لە نێوان پەکەکەو ئەو هێزانەشدا چەندین جار شەڕ روویدا، بەڵام هیچ كاتێك پەکەکە پەیوەندی لەگەڵ داگیركەران دروستنەكردو بەهاوكاری داگیركەران هێرشی نەبردە سەر پارت و هێزێكی دیكەی كورد، كەچی لەشەڕی نێوان ئەو پارتانەی باشووردا لەنێوان خۆیاندا و لەدژی پەکەکەدا هەمیشە بەئاشكرا پەیوەندی لەگەڵ داگیركەران دروست دەكەن و هەمیشە بەیەكەوە هێرش و جموجۆڵ دەكەن، تەنیا پەکەکە ئەمەی نەكرد، خەڵكی باشوور ئەمەی بینی، بینیان كە پەکەکە خەت و رێبازێكی سەربەخۆ و ئازاد بەبناخە وەردەگرێت و بەهێزی خۆی جموجۆڵ دەكات، بەڵام پارتەكانی دیكە خاوەن ئازادی خۆیان نین، بە بەردەوامیش دەكەونە خزمەت داگیركەرانەوە و لەگەڵ داگیركەراندا جموجۆڵ دەكەن و دێنە سەر كوردان، هەر بۆیە پەکەکە-یان بۆخۆیان وەك ئومێدێك بینی و بەرەو ڕووی هاتن و ئەو بەشداربوونە هاتە ئاراوە، ئەوانەی هاتنە ناو پەکەکەوە، بێگومان لە ساڵی ١٩٩٧دا جارێكی دیكە دەوڵەتی توركیا و پارتی بەیەكەوە هاتنەسەر پەکەکە و لە هەولێریشدا زۆر گرتن و كوشتن روویدا".

"پارتی دەیتوانی لەجیادی کەمەڵکوژی لە هەولیر دەریان بکات"

جەمیل بایک هاوسەرۆکی کەجەکە لە کۆتایی قسەکانیدا لە سەر کۆمەڵکوژییەکەی هەولێر، تیشک دەخاتە سەر ئەوەی کە پارتی دەیتوانی ئەوکەسانە کۆمەڵکوژ نەکات و لە هەولێر دەریان بکات و دەڵێت:"كۆمەڵكوژییەكی مەزن لە هەولێر روویدا، ئەو كاتە پەکەکە پەیوەندی خۆی هەم لەگەڵ یەکێتی و هەمیش لەگەڵ پارتی و یەکێتیدا هەبوو، لە هەولێر بەبێ ئەوەی شەڕ ببێت هاتنەسەر پەکەکە و زۆر هەڤاڵ و دۆستیان شەهیدكرد و ئەوانەی دیكەشیان دەستگیركرد و بردیانن، گەل ئەمەی بەچاوی خۆی بینی، لە هەولێر ئەوەی كرد، نە شەڕ نە شتێكی دیكە لەئارادا نەبوو، پەیوەندیمان پێكەوە هەبوو، واتا ناحەقییەكی مەزنی كرد، پاشان ئەوەشیان بینی كە ئەو هێزانە لەگەڵ توركیا پێكەوە هێرشیان كردە سەرمان، ئیدی كاردانەوەی خەڵك لەبەرامبەر هەموو ئەمانەدا بە بەشداربوونیان بۆ ناو پەکەکە گوزارشتیان لێكرد".

لە ١٦ی ئایاری ١٩٩٧دا، هێزە چەكدارەكانی پارتی دیموکراتی کوردستان- عێراق، لە شاری هەولێر لە یەك کاتدا پەلاماری سەرجەم بارەگا و دامودەزگاكانی (یەكێتی نەتەوەیی دیموكراتی كوردستانYNDKــ رۆژنامەی- وڵات، مەڵبەندی رۆشنبیری میزۆپۆتامیا، یەكێتی ئازادی ژنانی كوردستانYAJK و  نەخۆشخانەی گەریلا بریندارەكانی دا، لە ئاكامی شەڕ و پێكدادان و بەرخۆدانێكی مەزنەوە بەدەیان شۆڕشگێرو گەریلای بریندارو چالاكوانی سیاسی و رۆژنامەنووس و هونەرمەند شەهید و بێسەروشوێن كران.

ژێدەر: ڕۆژ نیوز