گه‌ریلاكانى په‌كه‌كه‌ سوپاى توركیا شپرزه‌ ده‌كه‌ن بەریتانیا: کوردێک بە تاوانی ئەندام بوونی لە داعش دادگایی كرا نۆتینگهام : یه‌که‌مین کۆنگره‌ی جڤاکی دیموکراتیکی کوردان به‌رێوه‌ چوو. دەزگای ڕاگەیاندنی پێنوسەکان: پرسەنامەیەک ئاراستەی بزووتنەوەی گۆڕان و بنەماڵەی نەوشیروان مستەفا دەکات جەمیل بایک: لە کاتی کۆمەڵکوژییەکەی هەولێردا لەگەڵ پارتی ئاگربەستمان هەبوو سۆران سەقزی لەسەر قەرزداری خۆی كوشتووە نوێنەری ناوەندی گشتیی زەردەشتیانی کوردستان بۆچی لەبەغدادە؟ زیاتر لە 350 میوانی بیانی لە 66 وڵات لە فیستیڤاڵی جیهانی فەجر بەشداریی دەکەن فەڕەنسا: شەرە چەقۆی کۆچبەرانی کورد و ئەفغانی دەبێتە سەردێڕی هەواڵە جیهانیەکان بەریتانیا: سیامەند موعینی لە سیمینارێکی جەماوەریدا بەهرۆز جەعفەر: وا بڕوات هاتنی پەکەکە بۆ باشور ئەبێتە زەرورەت پارتی لە ھەولێر ڕێگری لە کۆڕێک دەکات لەسەر شەنگال هەواڵەکانی بابەتی بێکاری و گرانی و هێرش بۆ سەر لاوان لەبەریتانیا شەڕکەرانی ئەفغانی لە سووریا مافی هاووڵاتیبوونی ئێرانیان پێدەدرێت لە ڕێککەوتنی باڵەکانی یەکێتیدا بەرهەم ساڵح بۆ پۆستی بەغداد دانراوە بەریتانیا: لەمانگی ٤ی ئەمساڵەوە کۆمەڵێک یاسای گرنگ دەچنە بواری جێبەجێکردنەوە

هه‌واڵی تایبه‌ت

راگه‌یاندنی کۆمه‌ڵه‌ی هاوبیرانی کوردایه‌تی له‌په‌نجاوهه‌وته‌مین ساڵیادی کاژیکدا:

04/13/2017 08:19:41 ڕێکخراوەکان


 57ساڵ لەمەوبەر، كۆمەڵەی ئازادیو ژیانەوەو یەكێتیی كورد(كاژیك)لە 14/4/1959دا بەخەرمانێ دیدو بیری فەلسەفیو ئایدۆلۆجیی نوێوە، لەتاریكیی ئەورۆژگارە ناهەموارەی نەتەوە دیلو نیشتمانە داگیركراوەكەمانا، وەك ئەستێرەیەكی درەوشەدار، كەوتە ئاسمانی كوردستانەوەو مژدەی بیرو بزووتنەوەیەكی نوێی بەخشییە سەر‌جەم نەتەوە ستەمدیدەكەمان بۆئازادیو ژیانەوەو یەكێتیو یەكسانیی كوردو سەربەخۆیی سەرتاسەری كوردستان. بەڵام بەوهۆیەوە،‌ كەلەورۆژگارەدا، هوشیاریی نەتەوەیی لەئاستێكی نزمو دێوەزمەی دو بیری نانەتەوەیی چه‌پو ئاینی بەجۆرێ زاڵبون بەسەر هەستو هۆشی تاكو كۆمەڵانی خەڵكی كوردستاناو هاوكات هەنێ هۆكاریدی، كاژیك وەك رێكخستنێكی پێویست گەشەینەكرد، بەتایبەتی رێكخراوە سیاسییە كوردییەكانی ئەوسەردەمە، شێرگیرانەتر لەداگیركەرانی كوردستان، لەدژایەتیو هۆنینەوەی تۆمەتی ناڕەوادابون بۆئەو رێكخراوەنوێیە. لەگەڵ ئەوەشا چونكە كاژیك، جگە لەرێكخستنێكو ‌بزوتنەوەیەك، قوتابخانەیەكی بیری رەسەنی كوردایەتیشبو، هێدیهێدی، دڕی بەوتاریكستانییەداو جێیخۆی لەناو بەرنامەی هەنێ رێكخراوەی هاوشێوەی خۆیو بیری هەزاران تاكی كوردا كردەوە بەجۆرێ كە ژمارەیەكی زۆر لەوانەش كەئەوسا‌ دژایەتی كاژیكیان ئەكرد، ئێستا، لەپێشبڕكێدان بۆشانازیكردن بەبنەما ستراجییەكانی كاژیكەوە كەیەكێ لەو بنەمایانە، دوركەوتنەوەیە لەبیرۆكەی برایەتیو پێكەوەژیان لەگەڵ داگیركەرانی كوردستانا. لەبری ئەوەش، گرتنەبەری رێگەی جاڕدانی دەوڵەتی كوردیی سەربەخۆ‌، وەك لەم رۆژانەدا ئەو دەنگۆیە كەوتۆتە سەر زارانو ئاڵای کوردستان له‌که‌رکوکیش ئه‌شه‌کێته‌وه‌. بەهیواین هەنگاوی كردەییش بۆ سه‌ربه‌خۆیی بنرێو ئاڵاکه‌شمان له‌هه‌مو کونجێکی کوردستانا شه‌کاوه‌بێ،  نەك هەر پاگانتەیەكبێ بۆ هەڵبژاردنو موزایه‌ده‌ی پارتایه‌تیو پاشگەزبونەوە رونه‌دا بەبیانوی ئەوەی ئێستا كاتی نییە! یا دەوڵەتانی خاوەن بڕیار هاوڕانین لەگەڵمان! لەكاتێكا راگەیاننی دەوڵەتی كوردی، هەمو كاتێ كاتیەتی هەرچەنە ئەشێ كاتێ لەكاتێكیتر گونجاوتربێ. خاوەن بریاری چاره‌نوسیش ، نەتەوەی كورد خۆیەتیو هیچ هێزێ ناتوانێ رێگربێ لەئاستی خواستویستی نەتەوەكه‌مانا.

 ئەمڕۆ 14/4/2017 ئێمەی هاوبیرانی كوردایەتی، لە پەنجاو هه‌وته‌مین ساڵیادی دامەزراننی كاژیكا، هه‌مان راگه‌یاندنه‌که‌ی 14/4/2014مان دوپاتئه‌که‌ینه‌وه‌و سەری رێزو نەوازش بۆشەهیدە نەمرەكانی كاژیك دائەنەوێنین كەبەهۆی چالاكییان لە ریزەكانی كاژیكا، یا بەهۆی بوونیان بە پێشمەرگە لە ریزەكانی شۆڕشا‌، یا بەو بیروباوەڕەوە لەهەر مەیدانێكیترا شەهیدبوبن، هەر یەك لە شەهیدان (ئەنوەر مەجید سوڵتان، ئەنوەر عەلی نەجار، ئیحسان سدیق، بێستونی شەهید لە قەیوان، بێستونی شەهید لە مامە خەلان، تۆفیقی نوری بەگ، جەزای عەلی كاتب، جەلالی حاجی حسەین، حەمە ئەمین گوڵچین، ، خولە خڕە، دڵشاد مەریوانی، رەحیم حاجی مەحمود، سەعید گەوهەر، شەریف مەولود، شەوكەتی حاجی موشیر، عەلی مەشخەڵ، عومەری حەلاو، عومەری ساڵح مەنسور، عیزەت رەشید، غەفور ژاژڵەیی، فەتاح ئاغا، فەرهاد خەفاف، قوربانی مام رەش، كەریم سەلام، كۆڤان، محەمەدی حاجی ئەحمەد، محەمەدی حاجی مەرۆیی، محەمەد ساڵح هیتلەر، محەمەد شەوقی، محەمەد هەرسین، نوری حەمە عەلی، هاواری نوری حەلاو و دەیان شەهیدیتر) كەلەپێناوی ئامانجه‌ نه‌ته‌وه‌ییه‌کانی گه‌له‌که‌مانا گیانی خۆیان بەخشی.. .سەركەوتوبێ خەباتی کۆمه‌ڵه‌که‌مان له‌پێناوی کوردستانێکی سه‌ربه‌خۆو ئازادیو یه‌کسانیی نه‌ته‌وه‌ی کوردمانا.
كۆمەڵەی هاوبیرانی كوردایەتی. 

.14/4/2017