نوێنەری ناوەندی گشتیی زەردەشتیانی کوردستان بۆچی لەبەغدادە؟ زیاتر لە 350 میوانی بیانی لە 66 وڵات لە فیستیڤاڵی جیهانی فەجر بەشداریی دەکەن فەڕەنسا: شەرە چەقۆی کۆچبەرانی کورد و ئەفغانی دەبێتە سەردێڕی هەواڵە جیهانیەکان بەریتانیا: سیامەند موعینی لە سیمینارێکی جەماوەریدا بەهرۆز جەعفەر: وا بڕوات هاتنی پەکەکە بۆ باشور ئەبێتە زەرورەت پارتی لە ھەولێر ڕێگری لە کۆڕێک دەکات لەسەر شەنگال هەواڵەکانی بابەتی بێکاری و گرانی و هێرش بۆ سەر لاوان لەبەریتانیا شەڕکەرانی ئەفغانی لە سووریا مافی هاووڵاتیبوونی ئێرانیان پێدەدرێت لە ڕێککەوتنی باڵەکانی یەکێتیدا بەرهەم ساڵح بۆ پۆستی بەغداد دانراوە بەریتانیا: لەمانگی ٤ی ئەمساڵەوە کۆمەڵێک یاسای گرنگ دەچنە بواری جێبەجێکردنەوە بریتانیا : بە رێپێوانی جەماوەری گەلەکۆمەی نێودەوڵەتی ١٥ شۆبات بۆ سەر ئۆجالان شەرمەزاركرا خۆپیشاندانی ناڕه‌زایه‌تی دژی تره‌مپ وتریزا مه‌ی له‌به‌ریتانیا لە دوانزە کاتژمێردا زیاتر لە حەوت سەد هەزار واژۆکراوە بۆ رەتکردنەوەی سەردانی ترەمپ بۆ بەریتانیا بریتانیا : بە بۆنەی ٧١ سالرۆژی دامەرزاندنی کۆماری کوردستان ، موداخەلەی داگیرکەران بە ئامانجی شەری کوردکۆژی مەحکووم کرا هەژدەیەمین دادگایی نیوان چاودێریی دارایی و شارەوانی سلێمانی بەڕێوە چوو ناوازە: پیری زەردەشتیانی کوردستان، ئاڵای کوردستانی کردە ملی کونسوڵگەریی دەوڵەتی فەلەستین

هه‌واڵی تایبه‌ت

کاردانه‌وه‌کانی تیرۆرکردنی ڕۆژنامه‌نووس شوکری زینه‌ددین به‌رده‌وامه

12/03/2016 13:56:58 پێنوسەکان

ئا: ئومێد محەمەد

له‌درێژه‌ی کاردانه‌وه‌کانی تیرۆکردنی شوکری زینه‌ددین، ڕۆژنامه‌نووسان و چالاکان و ڕێکخراوه‌کانی کۆمه‌ڵی مه‌ده‌نی و لایه‌نه سیاسیه‌کانی باشوری کوردستان، له‌ڕێگه‌ی گردبوونه‌وه‌ و به‌یاننامه‌ و چالاکی جۆراوجۆره‌وه‌ ئه‌م کردوه‌یان ئیدانه‌ کرد.

شوكری زەینەدین، تەمەن 43 ساڵ، وێنەگری كەناڵی كەی ئێن ئێن زمانحاڵی بزوتنەوەی گۆڕان، كە دانیشتووی كۆمەڵگەی سیریە-ی ناحیەی شیلادزێ بوو لە قەزای ئامێدی لە پارێزگای دهۆك، ئێوارەی پێنجشه‌مه‌ی ڕابردوو لە گوندی بانوسرا لەناوچەی رێكان لەسەر سنووری توركیا-هەرێمی كوردستان، به‌کوژراوی دۆزرایه‌وه‌.

لەبارەی دۆسیەی كوژرانەكەی برایەكی ئەو رۆژنامەنووسە بەراگەیاندنەكانی وت براكەم لەكاتی راوكردندا فیشەكی لەدەست دەرچوە و بەهۆیەوە گیانی لەدەستداوە. وتیشی “ئەوەی رویداوە قەزاو قەدەربوو.

لەلایەكی ترەوە بەرپرسی میدیای گۆڕان رایگه‌یاند “تیمێكی میدیای گۆڕان گەیشتونەتە شوێنی روداوەكە و لەگەڵ كەسوكاری شوكری زەینەدین و دەزگا ئەمنییەكان گفتوگۆیان كردوە.”. عەبدولرەزاق شەریف بەرپرسی میدیای گۆڕان وتیشی “تا ئەم ساتەوەختە روداوەكە نادیار و ناڕونە و لێدوانی پۆلیسیش پێچەوانەی لێدوانی شایەتحاڵەكانە. ‌ماڵپەری سبەی سەر بە بزوتنەوەی گۆڕان ئاشكرایكردووە كە شوكری زەینەدین لە ساڵی 2013 دا لەلایەن ئاسایشی پارتییەوە بەبیانوی كاركردن لەگەڵ که‌ی ئێن ئێن ده‌ستگیرا کراوه‌.

سێ هەفتە لەمەوبەر بەهەمان شێوە هەڕەشەی لێكراوە دەبێت دەست لە پیشەكەی هەڵگرێت. قاره‌مان شوکری، کوڕی شوکری زینه‌دین به‌ڕاگه‌یاندنه‌کانی وت: باوکی 13 بۆ 14 جار له‌لایه‌ن ئاسایشه‌وه‌ بانگکراوه‌، پیان وتوه‌ له‌نێوان کارکردن بۆ که‌ی ئێن ئێن و مردندا یه‌كێکیان هه‌ڵبژێرێت. له‌دریژه‌ی کاردانه‌وه‌کانی ئه‌م ڕووداوه‌ سه‌رله‌به‌یانی ڕۆژی شه‌ممه‌ 3/12/ 2016له‌شاری ڕانیه‌ ژماره‌یه‌ک ڕۆژنامه‌نووس و چالاکوان گردبوونه‌وه‌یه‌کیان سازکرد.

له‌م باره‌یه‌وه‌ ڕه‌نج عوسمان ڕۆژنامه‌نووس به‌ڕێوه‌به‌ری نووسینه‌گه‌ی ڕانیه‌ی که‌ناڵی KNNبه‌ پێنووسه‌کانی ڕاگه‌یاند: ئەمرۆ بەبەژداری ژمارەیەک لە رۆژنامەوان و چالاکانی مەدەنی شار ڕانیە،گردبونەوەیەکی نارەزاییمان لە ناو باخی گشتی شارەکە ئەنجامدا. سه‌باره‌ت به‌ ئامانجی گردبوونه‌وه‌که‌یان وتی: ئامانج لە گردبوونەوەکە ئیدانەکرد ن و شەرمەزار کردنی تیرۆرکردنی شوکری زەینەدین بوو.

هه‌ر وه‌ها ئه‌و ده‌سه‌ڵاتیشی به‌ به‌رپرسی یه‌که‌می ئه‌و ڕووداوه‌ زانی و وتی: لە بەیاننامەیەکدا رامان گەیاند کە ،ئێمە دەسەڵات لە هەرێم بە بەرپرسی یەکەمی کۆی تیرۆرکردنەکان دەزانین،وە هیچ داوایەکیشمان بۆ دەسەلات و دادگاکان نەبوو بۆ دۆزینەوەی بکوژان چونکە دەسەڵات بە بکوژی راستەقینە دەزانین،پێشمان وایە دادگاکان ناتوانن هیچ شتێک بۆ کەیسەکان بکەن. تیرۆرکردنی ئه‌م ڕۆژنامه‌نووسه‌ له‌ کاتێکدایه‌، که‌ له‌هه‌مان ده‌ڤه‌ر و له‌مانگی ئابی ڕابردوو ڕۆژنامه‌نووس ویدات حسێن تیرۆر کراو، و تاکو ئیستاش بکوژانی ئه‌م تیرۆره‌ نه‌دۆزرانه‌ته‌وه‌.