بریتانیا : بە رێپێوانی جەماوەری گەلەکۆمەی نێودەوڵەتی ١٥ شۆبات بۆ سەر ئۆجالان شەرمەزاركرا خۆپیشاندانی ناڕه‌زایه‌تی دژی تره‌مپ وتریزا مه‌ی له‌به‌ریتانیا لە دوانزە کاتژمێردا زیاتر لە حەوت سەد هەزار واژۆکراوە بۆ رەتکردنەوەی سەردانی ترەمپ بۆ بەریتانیا بریتانیا : بە بۆنەی ٧١ سالرۆژی دامەرزاندنی کۆماری کوردستان ، موداخەلەی داگیرکەران بە ئامانجی شەری کوردکۆژی مەحکووم کرا هەژدەیەمین دادگایی نیوان چاودێریی دارایی و شارەوانی سلێمانی بەڕێوە چوو ناوازە: پیری زەردەشتیانی کوردستان، ئاڵای کوردستانی کردە ملی کونسوڵگەریی دەوڵەتی فەلەستین سیستەمی تەندروستی بریتانی لەئینگلەند لە قەیرانێکی یەکجار قوڵدایە نه‌سرین عه‌بدوڵا: 601 ژنى ئێزدیمان له‌ ده‌ستى چه‌ته‌کانى داعش ڕزگار کردوه‌ جەلالی سام ئاغا: من هیچ پۆست و وەزیفەیەک وەرناگرم کاردانه‌وه‌کانی تیرۆرکردنی ڕۆژنامه‌نووس شوکری زینه‌ددین به‌رده‌وامه ناوه‌ندی زاگرۆس داوا له‌ نه‌ته‌وه‌ یه‌كگرتووه‌كان ده‌كا بۆ لێكۆڵینه‌وه‌ی له‌ بارودۆخی ناوچه‌ كوردستانیه‌كانی توركیه مەلا کرێکار دەستگیر کرایەوە لە فیستیڤاڵی کورتە فیلمی تاران رێز لە سینەماکاری کورد هووشەنگ میرزایی گیرا جەلالی سام ئاغا بۆ وەرگرتنی پۆستی سەرۆکایەتی ھەرێم دەست نیشان ئەکرێت مەلایەك دەستدرێژیی سێکسی دەکاتە سەر کچێکی ١٠ ( دە) ساڵە ڕێککەوتنە نەوتییە٥٠ ساڵییەکەی مەسعود بارزانی و تورکیا هەڵدەوەشێتەوە

هه‌واڵی تایبه‌ت

حەزم لە نیشتیمانێکە

11/17/2016 12:11:09 نوسەرانی تر

حەزم لە نیشتیمانێکە

مارشی نیشتیمانیەکەی گریانی مناڵێک بێت

دڵتەنگیەکانی لە دوورگەکەیدا دیل بکەم و دڵڕەقەکانی نیشتیمان بکەمە پاسەوانی..!

 "حەزم نیشتیمانێکە" هەموو ئێوارەکانی هێمای دڵتەنگی نەبن...!

ئەها ؛ ببینە ئێوارە هەیە پەلکە زێڕینە سەما دەکات هەموو باڵندەکان هێلانەکان گەرم دەکەن ،

ئێوارە هەیە ماڵەکان ئاوەدانن ، مردوەکان ئارامترن

ئیتر بۆجي ئێوارە بکەینە هێمای دڵتەنگی

هەر لەو نیشتیمانەدا جوانی ببخشێن بە دین و ژین چونکە نیشتیمانی دڵ پێویستی بە دینە و نیشتیمانی ژین بە جوانی "

حەزم لە نیشتیمانێکە" هیچ شتێک هێندەی "دڵ" بە نرخ نەبێ هەموو شتێک کە دەشکێ یان چاک دەبێتەوە یان دووبارە دەبێتەوە، وەلێ "دڵ" نا...! "

حەزم لە نشیتمانیەکە" هەرشەقامێکی برینێکی لەسەر نەبێ دڵێکی تێدا نەشکابێ

 "حەزم لە نیشتیمانێکە" بتوانی قسەی تێدا بکەی و دوای هەر ئەو قسە بە برین نەچێتەوە دڵت کە بە عەیامێک لە بیر نەکرێت...!!! "

حەزم لە نیشتیمانێکە" هیچ ڕەنگێکم تیا خۆش نەوێت ڕەش هەر جەنگە هەر دەپۆشرێ و سوور هەر عشقە و دوای نەفرەتی لێدەکرێ ...! "

حەزم لە نیشتیمانێکە" سنوری جوگرافیای بەدەرزی دەستی دایکێک بنووسرێتەوە نەک قەڵەمی دەستی سیاسیەک ....

حەزم لە نیشتیمانێکە لةبري خزمەت بە گیرفان ، خزمەت بە عەقڵ و فکر بکرێت... "

حەزم لە نیشتیمانێکە " نەدەربارەی عشق نەدەربارەی سیاسەت هیچ نەوترێ چونکە عشق دڵت ناهێڵێ و سیاسەت ژیان هەر لەم نیشتیمانەدا کەکارت بە کەسێک نەما لە گۆشەیەک لە دڵت نەک گۆشەیەک ژیان فةرامۆشی بکەی چونکە فرامۆشکردن زۆر کەس و زۆر شت دەگۆڕێ....! "

حەزم لە نیشتیمانێکە" ژنەکانی نەڵێن ٫خۆزگە !!

هەر نیشتیمانێک ژنێک وتی خۆزگەم بە شتێک کە ئەویش دەتوانێ بە دەستی بێنێ ئەوە لەو نیشتیمانە بترسە .

هەر لەم نیشتیمانەدا هەندێک ووشە هەیە تا دەمرم دەیڵێمەوە وەک (دایکم)

 "حەزم لە نیشتیمانێکە " ئیتر گوڵەکانی تێدا ئازارنەدرێت ، ئەوە بزانە لەگەڵ هەر گوڵێک ژنێک ئازار دەدەرێ لەگەڵ هەر ژنێک شارێک تامەزرۆی سڕینی فرمێسکەکانی دەبێ خۆشە هەر لەونیشتیماندا بگەڕێت و بگریت و پێبکەنیت و شاد و تەنیا بیت بەڵام نەڵێن ئەمانە چۆن بۆ..!؟ "

حەزم لە نیشتیمانێکە" بەیانیەک زوو دەروازەی مرۆڤەکانی بشکێنم تا ئەبەد لەگەڵ خاکەکەی بمێنمەوە هەر لەم نیشتیمانەدا کە مناڵ بووم دەنگی تەقەی خۆشی دەهات دایکم دەیوت کچم لە "گولەی وێڵ" زۆرئەترسم نەکەی دەروازەی دڵم بشکێنی و بچیتە دەرەوە ،ئێستا و هەر لەم نیشتیمانەدا نەگولە وێڵە و نە منیش دەچم بە پیری دەنگی گولە بەڵام چەندین لاشەی جێی گولە هەر دێتەوە

.. " هەر لەم نیشتیمانەدا" زۆر ئەترسم ڕۆژێکم لێبروات و قسەی دڵم نەکەم چونکە دڵمان زۆری تێدایە و ژیان کەم ئەمان دوێنێت لە هەندێک کاتدا نیشتیمان بە ئەندازەی کەسێک بچوک دەکەینەوە ئەها سەیرکە ، خوا مرۆڤی چەند خۆش دەوێ (خوای كةورة ) دەفەرمێت کوشتنی هەرکەسێ یەکسانە بە کوشتنی هەموو مرۆڤایەتی ،ئەی دەبێ ئەو نیشتیمانە چەند بە نرخ بێت کە مرۆڤی لەسەر بێت!؟...

من و نیشتیمان هەردووکمان زۆر پڕین من لە ووشە و ئةويش لە خوێن

 

 شارا عوسمان