بریتانیا : بە بۆنەی ٧١ سالرۆژی دامەرزاندنی کۆماری کوردستان ، موداخەلەی داگیرکەران بە ئامانجی شەری کوردکۆژی مەحکووم کرا هەژدەیەمین دادگایی نیوان چاودێریی دارایی و شارەوانی سلێمانی بەڕێوە چوو ناوازە: پیری زەردەشتیانی کوردستان، ئاڵای کوردستانی کردە ملی کونسوڵگەریی دەوڵەتی فەلەستین سیستەمی تەندروستی بریتانی لەئینگلەند لە قەیرانێکی یەکجار قوڵدایە نه‌سرین عه‌بدوڵا: 601 ژنى ئێزدیمان له‌ ده‌ستى چه‌ته‌کانى داعش ڕزگار کردوه‌ جەلالی سام ئاغا: من هیچ پۆست و وەزیفەیەک وەرناگرم کاردانه‌وه‌کانی تیرۆرکردنی ڕۆژنامه‌نووس شوکری زینه‌ددین به‌رده‌وامه ناوه‌ندی زاگرۆس داوا له‌ نه‌ته‌وه‌ یه‌كگرتووه‌كان ده‌كا بۆ لێكۆڵینه‌وه‌ی له‌ بارودۆخی ناوچه‌ كوردستانیه‌كانی توركیه مەلا کرێکار دەستگیر کرایەوە لە فیستیڤاڵی کورتە فیلمی تاران رێز لە سینەماکاری کورد هووشەنگ میرزایی گیرا جەلالی سام ئاغا بۆ وەرگرتنی پۆستی سەرۆکایەتی ھەرێم دەست نیشان ئەکرێت مەلایەك دەستدرێژیی سێکسی دەکاتە سەر کچێکی ١٠ ( دە) ساڵە ڕێککەوتنە نەوتییە٥٠ ساڵییەکەی مەسعود بارزانی و تورکیا هەڵدەوەشێتەوە عێراق داوایەک پێشکەش بە ئەنجومەنی ئاسایش دەکات دژ بە تورکیا هه‌وڵێك له‌ئارادایه‌ سلێمانى تا دووز بكاته‌ هه‌رێمێكى ئێرانى تورکیا 174 گرتووخانە ی نوێ دروست دەکات

هه‌واڵی تایبه‌ت

ئایا ئۆکسجینی چەپی کوردی یەکێتیە

08/27/2016 05:07:40 بەنگینە پیرۆت نوری

زۆربەی حزبە هاوبیرەکان چەپ و ئیسلامی، هاوبۆچونی یەکگرتنن هەروەک چۆن حزبی ئایندە و حزبی زەحمەتکێشان_ئاراستەی یەکگرتن، چونە ناو یەکێتی.
داینەمۆی وشیاری سیاسی و نیشتمانی حزبە، بۆیە حزب لەژیانی خەباتی مەدەنی و بیری پێشکەوتنخوازی گرنگی خۆی هەیە، دەشێ کادیرێک وشیاری سیاسی و فکری، هانی بدات خەباتی مەدەنی و دیموکراسیانەی خۆی لەحزبێکەوە بۆ حزبێکی چالاکتر بگوازێتەوە، بەڵام مومارەسەی دیموکراسی، ڕێکخراوە مەدەنی و حزبە دیموکراتخواز و بەتایبەتی چەپەکان دەبێ بمێنن و گەشە بەڕەوتی خەبات و وشیاری سیاسی تاک بدەن.
ئەگەر گریمانە بکەین کادیرە شیوعیەکان وەک {مامۆستا شوان حسن کادیری پێشکەوتوی حزبی شیوعی لەم بارەیەوە لەواڵەکەی خۆی لەفەیسبوک پۆستێکی کردوە} بێنە ناو ڕیزەکانی یەکێتی، نەک کۆی حزب لەچەشنی حزبی ئایندە، ئایا دۆخی چەپ ئەگەر حزبی شیوعی بەدایکی چەپ لەقەڵەم بدرێ، لەئێستا و داهاتو، بەکوێ دەگات؟ ڕەنگە یەکێ بپرسێ حکومڕانی حزبە چەپە عەلمانیەکان، نمونەی خەروارێکە {وەک یەکێتیەک ڕەخنەیەکی زۆرم لەسەر حکومڕانی و کاری حزباتی یەکێتی هەیە چ جای یەکگرتنی کۆی چەپەکان}
شیوعی و یەکێتی، یەک ڕوئیان لەڕوی تێڕوانیان بۆ دیموکراسی ومافی چارەنوس و ئازادی و هتد.. دوو دیدگای جیاواز و دوو چەپی جیاوازنیشن.
حزبی شیوعی چەپێکی مارکسییە بەڵام لەجیهانی ژینگەی حزباتی دابڕاوە وەک هەر حزبێکی شیوعی سەرمایەداری قوتی داوە لەگێژاوێکی ئاڵۆزدایە. یەکێتیش لەبری حزبێکی چەپی سۆسیال دیموکرات، کۆمپانیایەکی زەەلاحە.
ئەگەر حزبی شیوعی و یەکێتی نیشتمانی کوردستان لەیەک سەرچاوەی مێژوویی و یەک تێزی نیشتمانیش بن، دوو ئارمانجی سیاسی لێکیان جیادەکاتەوە. بۆیە بەپێویستی دیموکراسی دەزانم حزبە چەپەکان مومارسەی حزبیانەی خۆیان بکەن، لەوەی بیر لەهاتنە ناو یەکێتی و چونە ناو حزبێکی تر بکەنەوە، خۆ ئەگەر هاتنیش بۆ ناو یەکێتی، بەزەرورەتی هاوسەنگ ڕاگرتنی هێزی دەزانن لەئاست پارتی، یەکێتی ماڵێکی گەورەیە جێگەی هەموانی تێدا دەبێتەوە، لەئێستاوە بەخێرهاتنتان دەکەین، مام گوتەنی سەرچاومان هاتن. بەڵام یەکگرتنی کۆی چەپەکان بەهێز بونی چەپ نیە، هێندەی خۆیان گوتەنی هاوسەنگیە بەرامبەر پارتی.
کام حزبە چەپە جێ دەستی وشیاری فۆبیای فێندەمنتالیسمی گروهە توندڕەوە ئیسلامیەکانەوە دیارە؟ هێندە بوون بەبار بەسەر بودجەی وڵات چیتان بۆ باشکردنی گوزەرانی خەڵک کردوە؟ لەخۆتان پرسیوە بۆچی لەکوێ یەکێتی و شیوعی و گۆڕان و پارتی و کۆمەنستێک هەبێ، ئیسلامی توندڕەوی لێیە؟
دەبێ لەمەو دوا یەکێتی چی بکات؟ بەکورتی دەبێ یەکێتی خوێندنگەی تێگەیشتن لەزمانی ژانی خەڵک بۆ خۆی و کادیرەکانی بکاتەوە چونکە پێگەی یەکێتی پێویستی بەهێزی ژیری کاری کادیرانە هەیە و کۆتای بەژێرباری دۆگما بهێنێت. ئایا یەکێتی یا کادیرە یەکێتیەکان پێویست دەکات بەخۆیاندا بچنەوە فێری ئەلف و بێی نوێگەری حیزباتی و سیاسەت بکرێن؟ بەڵێ پێویست دەکات، چونکە هاتنی کادیری حزبەکان بۆ ناو یەکێتی خوێنی تازەیە دەبێ یەکێتی خۆی پێ نوێ بکاتەوە، کۆتای بەباڵادەستی هەندێک کەسی مەکتەب سیاسی و سەرکردایەتی و ئەنجومەنی ناوەند و مەکتەب و مەڵبەند و کۆمیتەکان بهێنێت کە لەباڵانسی وشیاری سیاسی و فکریان زیاترە لەگەڵ وشیاری خەباتی حزباتی ئێستا ناگونجێت.
دەبێ یەکێتی کۆنگرە بکات، بەدەسەڵاتی کەسانێکدا بچێتەوە، چیتر یەکێتی بەکارنەهێنرێت، کە بەرژەوەندی خۆیان خستۆتە سەروی بەرژەوەندی خەڵک. دەبێ لەبری پۆست و سامان بەخشین و خەمخواردنی ئەم و ئەو، یەکێتی، خەمەکانی خەڵک بەخەمی خۆی بزانێت.
حزب کێیە و خەڵک کێیە؟ چی خەمی حزبە چی خەمی خەڵکە؟ ئەرکی کادیر چیە و چۆن خەمی خەڵک خەمی سەرەکی خەباتی مەدەنیانەیە؟ ئەرکی ڕۆشنبیری کادیری ڕۆشنبیر و خاوەن ئەندێشەی ڕوون و جیهانبینی بۆ ژیانی حزباتی چیە؟ تاچەند پێویستی گەشەکردنی حزبە؟ زۆر پرسیاری تر دەبێ یەکێتی بەڕۆحیەتی چەپ لەپاڵ هەنگاونان بەرەو ژیاری شارستانیەت و دیموکراتیزەکردنی ڕەوشی ئۆرگانە حزبیەکان، بەئەرکی کادیرەکانی خۆی بزانێت. نەک ئەوەی ئێستا کە لە ئۆرگانە حزبیەکانی، دەگوزرێت. بەدانیشتن و گوێ گرتن لەقسەی بەرپرسە حیزبیەکان، هەست بەقەیرانی گوێگرتن و دابڕانێکی قوڵ لە نێوان خەڵک و کادیرەکانی یەکێتیدا دەکرێ، لەڕوی فکری و جۆری گوزەران پانتایەکە فراوانترە، بەشێوەیەک هەریەکەیان لەسەر هەسارەیەک ژیان دەکات. دەبێ یەکێتی بگەڕێتەوە بۆ "ئەمەت لەکوێ بو؟‌ نەک گەڕانەوە بۆ خەیاڵ پڵاوی ئۆلگاریشە خێڵەکیە کۆمەڵایەتیەکان کە وەک مۆرانە ئۆرگانە حیزبیەکان بنکۆڵ بکات.
دەبێ گەڕانەوە بۆ ناو خەڵک بەئەولەویەت بزانرێ، کە گەڕانەوەیە بۆ ماهیەتی یەکێتی. هەندێک بەرپرسە حیزبیەکانی وا بیردەکەنەوە یەکێتی بەملکەچ بونی بۆ ئیرادەی گەڵ زیان دەکات، ئەگەر ئەوانە لەناو خەڵک بونایە وا بیریان دەکردەوە؟
کادیرە دێرینەکانیش هێندەی ژیان و تەمەن ماندوی کردون لەوەیە حزباتیش ماندوتری کردبن، چۆن دەکرێ فێری ژیانی جۆرە حزباتیەک بکرێنەوە کە ناتوانن لەڕابردوو دابڕێن؟ بەبڕوای من یەکێتی بژێوی ژیانیان دابین بکات لەژیانی حیزباتی دایانبڕێ دابڕانە لەڕابردوو دابڕانیشە لەدوێنێ و دابڕانیشە لەفرۆشتنەوەی خەبات. بۆیە چەند خوێن و نەوەی نوێ پێویستی حزباتی ئەمڕۆیە هێندەش یەکێتی پێویستی بەدابڕانی نەوەی دوێنێیە.
بەڕاشکاوی دەڵێم تا یەکێتی لەسەر سپیەکان دانەبڕێ ناتوانێت سەر ڕەشەکان قبوڵ بکات. کێشە فکریەکان مۆرانەی کلۆر کردنی خەباتی نەوەی نوێیە، وەک چۆن بیری نوێ، بیری تازەیە، بیرکردنەوەی نەوەی ڕابردوش بیرکردنەوەیە لەوەی خەڵک و یەکێتی دەبێ وەک ئەوان بیر بکەنەوە. دەستبەردار نەبون لەبیرکردنەوەی نەوەی دوێنێ، کودەتای فکری هەرەسەکە فراوانتر دەکات گورزێکە هەستانەوەی نەوەێ نوێ ئەستەمە، یەکێتی زۆر لەو حزبانە بچوکتر دەبێتەوە، کە ئێستا بەناوی یەکگرتنی چەپەکان، بەخەیاڵی سەردەمی بلوکی سوسیالستی بانگەشەی ئاوەدان کردنەوەی کۆنە کاول دەکەن.